ჩემპიონთა ლიგის ოქროს დრო სრულდება. პირველად ბოლო 16 წლის განმავლობაში, კრიშტიანო რონალდო და ლიონელ მესი ლიგის მეოთხედფინალში ვერ გავიდნენ.
ორი მატჩის ჯამში "ბარსელონა" პსჟ-სთან განადგურდა, ხოლო "იუვენტუსმა" "პორტუს" ბარიერი ვერ დაძლია. ბოლოს ასეთი რაღაც 2004/05 წლებში მოხდა, პორტუგალიელი "მანჩესტერ იუნაიტედში", ხოლო მესი კატალონიაში იწყებდა პროფესიონალურ კარიერას.
აღსანიშნავია, "ბლაუგრანა" და "იუვენტუსი" ჩემპიონთა ლიგის ჯგუფურ ეტაპზე ერთად იმყოფებოდნენ და ორივე გუნდმა თითო-თითო შეხვედრა ერთნაირი ანგარიშით, 3:0 მოიგო.
ტურინში გამართულ შეხვედრაში მესიმ შესანიშნავად ითამაშა. მაშინ კრიშტიანო მოედანზე არ იმყოფებოდა, რადგან კოვიდი დაუდასტურდა და
მკურნალობდა. ლეგენდები "კამპ ნოუზე" შეხვდნენ, სადაც რონალდო "ბებერ ქალბატონს" გამარჯვებისკენ გაუძღვა და ესპანეთიდან 3:0 გამარჯვება და 3 ქულა წამოიღო.
ახლა დროა, ლიდერობა ერლინ ჰოლანსა და კილიან მბაპეს გადაეცეთ. როგორც ჩანს, ევროპული ფეხბურთი ორი ახალი ვარსკვლავის ჰეგემონიისთვის მზადაა.
მომავალი ჰაერშია, მესის "ბარსელონასთან" კონტრაქტი 2021 წლის ზაფხულამდე აკავშირებს და ჯერ კიდევ უცნობია, არგენტინელი ლეგენდა დარჩება თუ წავა. რაც შეეხება რონალდოს, გუნდთან ხელშეკრულება 2022 წლამდე აქვს, შემდეგ კი, სავარაუდოდ, იტალიას თავისუფალი აგენტის სტატუსით დატოვებს.
ჩემპიონთა ლიგა. 1/8-ფინალი: მესის ზღაპრული გოლი და გაცუდებული პენალტი - სენსაციები არ შედგა [VIDEO]
ჩემპიონთა ლიგა. 1/8-ფინალი: კაცნაკლული "პორტუს" გმირობა ტურინში - ჰოლანის დუბლით "დორტმუნდიც" გავიდა [VIDEO]
