ყველაზე რასისტულმა კლუბმა ისრაელში (და შესაძლოა, მსოფლიოშიც) "ბეითარ იერუსალიმმა" "ბარსელონასთან" ამხანაგური მატჩი გააუქმა.
შეხვედრა 4 აგვისტოს უნდა გამართულიყო, თუმცა აღარ ჩატარდება, რისი მიზეზიც კატალონიელების სურვილი იყო, თამაში იერუსალიმში არ ჩატარებულიყო.
"სამწუხაროდ, "ბარსელონასთან" ამხანაგურ შეხვედრას ვაუქმებთ. კონტრაქტი გამოგვიგზავნეს, რომელშიც ორაზროვანი მოთხოვნა იყო მატჩის იერუსალიმში არჩატარებაზე. კიდევ ჰქონდათ რაღაც მოთხოვნები, რაც არ მომეწონა.
ბევრი ვიფიქრე და გადავწყვიტე, პირველ რიგში, ამაყი ებრალი და იერუსალიმელი ვარ. "ბეითარის" თამაში იერუსალიმში უნდა ჩატარდეს. "ბარსაზე" არ ვბრაზდები: ისინი პოლიტიკისაგან შორს არიან და ჩვენს კონფლიქტში ჩარევის სურვილი არ
აქვთ. მათთან კარგ ურთიერთობას შევინარჩუნებთ", - დაწერა კლუბის პრეზიდენტმა მოშე ხოლეგმა "ფეისბუქზე".
ივლისის დასაწყისში ისრაელელი პოლიტიკოსი სამი აბუ შეხადეხი მატჩის გაუქმების აუცილებლობაზე საუბრობდა, რადგან პალესტინელები მხარს "ბარსელონას" უჭერენ.
ხოლო რაც შეეხება "ბეითარს", ეს გუნდი წლების წინ საჩხერის "ჩიხურამ" იერუსალიმშივე დაამარცხა. მათი რასისტული პოზიციები უცხო არაა, გუნდის საშინაო მატჩები იწყება სიმღერით, რომლის ერთ-ერთი ფრაზაც ასეთია: "ჩვენ ისრაელში ყველაზე რასისტული კლუბი ვართ!"
მომზადებულია The Times of Israel-ის მიხედვით
![მამარდაშვილის გაძევება და ლევანდოვსკის ჰეთ-თრიკი - "ვალენსია" "ბარსელონასთან" დამარცხდა [VIDEO]](/pictures/image7/d8b9c9a28bb35fa7c1b48ea2de4dceb8.jpg "მამარდაშვილის გაძევება და ლევანდოვსკის ჰეთ-თრიკი - \"ვალენსია\" \"ბარსელონასთან\" დამარცხდა [VIDEO]")
!["ვალენსია" სტუმრად "ბარსელონას" 2:1 ამარცხებს - მამარდაშვილი გააძევეს [VIDEO]](/pictures/image7/e03e6a751bd32359a37973692d5b9ddc.jpg "\"ვალენსია\" სტუმრად \"ბარსელონას\" 2:1 ამარცხებს - მამარდაშვილი გააძევეს [VIDEO]")
