ზეგანაკვეთურ დროში სამი მნიშვნელოვანი ტრანსფერი გაიჩარხა
თავდამსხმელი ანტუან გრიზმანი "ბარსელონადან" ერთსეზონიანი იჯარით, რომლის ფასი 10 მილიონი ევროა, "ატლეტიკოში" დაბრუნდა, რის შემდეგაც მადრიდულმა კლუბმა მისი კონტრაქტი 40 მილიონად უნდა გამოისყიდოს. აგრეთვე შესაძლებელია იჯარის გაგრძელება. "ბარსამ" გრიზმანი 2019 წელს 120 მილიონად შეიძინა და მან 102 მატჩში 35 გოლი გაიტანა.
"ბარსელონამ" 31 წლის ნიდერლანდელი ფორვარდი ლუკ დე იონგი "სევილიადან" უფასოდ ინათხოვრა, მაგრამ ხელფასს სრულად გადაუხდის.
"ჩელსიმ" "ატლეტიკოს" ნახევარმცველი საულ ნიგესი იჯარით აიყვანა. იჯარის ფასი 4 მილიონია, კონტრაქტის გამოსყიდვის - 35 მილიონი.
აღსანიშნავია, რომ
კლუბები განსაზღვრულ დროში ვერ ჩაეტივნენ და ესპანეთის ფეხბურთის ფედერაციამ დამატებით 20 წუთი გამოუყო.
![alt](/pictures/image50/d3348e9b538e41c8a42197c708724db8.jpg "გრიზმანის, დე იონგისა და საულის ტრანსფერები "ოვერტაიმში" განხორციელდა")
სატრანსფერო ფანჯრის ბოლო დღის სიახლეები
