ბოსნიის ჩემპიონატის მე-10 ტურის მატჩი „ველეჟსა“ და ბანია-ლუკას „მოსტარს“ შორის ინციდენტით დასრულდა.
სარაევოს რადიოს ცნობით, მსაჯმა საბრია ტოპალოვიჩმა რამდენიმე შეცდომა დაუშვა, რომლებმაც შეხვედრის შედეგზე გავლენა იქონია. 82-ე წუთზე „ბორაცის“ მიერ გატანილი მეორე გოლის შემდეგ "ველეჟის" ფანები მოედანზე გადავიდნენ, თამაში შეწყდა და არბიტრს ფიზიკური შეურაცხყოფა მიაყენეს.
ნამატჩევს ტოპალოვიჩსა და ფეხბურთის ფედერაციის თანამშრომლებს, რომლებიც ავტომობილით უკან ბრუნდებოდნენ, ტრასაზე გვირაბში დაუდგენელი პირები დაუხვდნენ, საქარე მინა გაუტეხეს და შიგნით ანთებული პიროტექნიკა შეუგდეს. ინციდენტის შედეგად მატჩის ინსპექტორი ადნან ალისპახიჩი დაშავდა.
„ველეჟს“ ტექნიკური წაგება 0:3 ჩაუთვალეს,
სტადიონი დისკვალიფიცირებულია, ხოლო კლუბის ხელმძღვანელობას დასჯიან.
ქაბულის სტადიონი საჯარო დასჯის ადგილია, მატჩის წინ სიკვდილით სჯიდნენ, სხეულის ნაწილებს კი კარებზე ჰკიდებდნენ
![გულიაშვილმა მეცხრე გოლი გაიტანა და ბოსნიის ჩემპიონატის ბომბარდირია [VIDEO]](/pictures/image7/4ad01c46e08294250342f7502368da24.jpg "გულიაშვილმა მეცხრე გოლი გაიტანა და ბოსნიის ჩემპიონატის ბომბარდირია [VIDEO]")
