როგორც დაანონსებული იყო, რუსული ფეხბურთი უეფამ კიდევ ერთი სეზონით ყველა დონეზე მოკვეთა. ამ ორგანიზაციის ახალ პრესრელიზში მოყვანილია სრული ჩამონათვალი, სადაც რუსეთის ნაკრებებსა და კლუბებს მონაწილეობა აეკრძალათ.
ამას გარდა, უეფამ ბათილად ცნო რუსეთის ევრო 2028-ისა და ევრო 2032-ის ჩატარებაზე შეტანილი განაცხადი.
ხორვატიის ქალაქ სპლიტში ადგილობრივ "ჰაიდუკთან" გამართული საქველმოქმედო მატჩის (3:3) შემდეგ "შახტარის" გენერალური დირექტორი სერგეი პალკინი უეფას პრეზიდენტ ალეკსანდერ ჩეფერინს შეხვდა და გუნდის მაისური გადასცა, რომელსაც ზურგზე წარწერა აქვს - "მარიუპოლი".
დონბასელები შეხვედრის დაწყებამდე მოედანზე მაისურებით გავიდნენ, რომლებზეც ეწერა - SAVE
"აზოვსტალის" მფლობელი რინატ ახმეტოვია, რომელსაც რუსეთთან კავშირში ადანაშაულებდნენ, მაგრამ ის უკრაინაში დარჩა და ოკუპანტების დასჯას მოითხოვს, რომლებმაც მეტალურგიული კომბინატი მიწასთან გაასწორეს.
ფიფა რუსულ ფულს ვერ ელევა - უკრაინელები მათ განადგურებულ მარიუპოლში გაგზავნას მოითხოვენ
"რუბინის" ნახევარმცველ ხვიჩა კვარაცხელიას მამის ნათქვამმა, რომ მისი შვილი რუსეთს დატოვებს და კარიერას ევროპაში გააგრძელებს, რუსეთში რატომღაც გაღიზიანება გამოიწვია და „ჩემპიონატთან“ კომენტარი სახელმწიფო სათათბიროს ფიზიკური კულტურის, სპორტის, ტურიზმისა და ახალგაზრდულ საქმეთა კომიტეტის წევრმა, დმიტრი სვიშევმა და ფიფას ყოფილმა ვიცე-პრეზიდენტმა, რუსეთის საფეხბურთო კავშირის საპატიო პრეზიდენტმა ვიაჩესლავ კოლოსკოვმა გააკეთეს.
დმიტრი სვიშევი: „მამის ემოციურ ნათქვამზე რეაგირება საჭირო არ არის. თავად სპორტსმენის ოფიციალურ განცხადებას უნდა დაველოდოთ, მშობლები მთელ ჩვენს ცხოვრებაში მნიშვნელოვანია, თუმცა ყველა სპორტსმენს საკუთარი პოზიცია გააჩნია.
ჩვენ არ შეგვიძლია ზუსტად გავიგოთ, თუ რა
იგულისხმა მამამ. შესაძლოა, იმაზე ილაპარაკა, რომ ხვიჩა რუსეთში არ დარჩება და სათამაშოდ იტალიაში ან გერმანიაში წავა. ძალიან დიდი იმედი მაქვს, რომ ეს სიტყვები არ არის დაკავშირებული ჩვენს სახელმწიფოებს შორის რთულ ურთიერთობებზე.
დაველოდოთ მოვლენების განვითარებას. ჯერ სპორტსმენის ოფიციალური განცხადება არ მოგვისმენია. თუ ხვიჩა რუსეთში არ ითამაშებს, ეს იმას ნიშნავს, რომ უკეთესი ვარიანტი გამოუჩნდა. ეს სპორტსმენის არჩევანია“.
ვიაჩესლავ კოლოსკოვი: „ხვიჩა ნიჭიერი ბიჭიდან გადაიქცა ფეხბურთელად, რომლისგანაც შეიძლება მაღალი საერთაშორისო კლასის მოთამაშე დადგეს. მე ვიტყოდი, რომ მამა შვილს დათვურ სამსახურს უწევს. არ არსებობს გარანტია, რომ კვარაცხელია სადღაც ათამაშდება. მრავალი ფაქტორის თანხვედრაა აუცილებელი: ჭკვიანი მწვრთნელი, კარგი გარემო, სიტუაცია გუნდში. ხვიჩამ ყველაფერი ეს გაიარა.
შეიძლება, რა თქმა უნდა, კვარაცხელიას მამამ იგულისხმა, რომ მის შვილს საზღვარგარეთ განვითარებისთვის მეტი შესაძლებლობა ექნება. ჩვენ ზუსტი ინტონაციები არ ვიცით: ეს ნათქვამი იყო ფეხბურთელის დასაცავად და რუსეთის წინააღმდეგ, ან იმაზე, რომ ხვიჩამ რუსეთში უკვე მაქსიმუმი მიიღო, ხოლო პროგრესირებისათვის ევროპის წამყვან კლუბში გადასვლა სჭირდება“.