ურუგვაელი ვეტერანი ფორვარდები: ედინსონ კავანი და ლუის სუარესი, შესაძლოა, თურქული "ფენერბაჰჩეს" წევრები გახდნენ. სტამბოლელებს სურთ, რომ ორივე თავდამსხმელი, რომლებიც ამჟამად თავისუფალი აგენტები არიან, მათ რიგებში გადაბარგდნენ.
თურქეთში კარიერის გაგრძელების წინააღმდეგნი არც ურუგვაელები არიან, რადგან მათ ჩემპიონთა ლიგაზე თამაშის პერსპექტივა ხიბლავთ.
შეგახსენებთ, რომ გასულ სეზონში კავანი "მანჩესტერ იუნაიტედის", ხოლო სუარესი "ატლეტიკოს" ფორმას ირგებდა.
