პელეს გარდაცვალებიდან ერთი წელი გავიდა, 2022 წლის ბოლოს ლეგენდამ დაგვასევდიანა..."აქედან ვიცი, მე რომ მოვკვდები, ამ ლექსს რომ ვამბობ, ესეც დარჩება" - წერდა ტიციან ტაბიძე. ყველანი რაღაცას ვცდილობთ, გვინდა ჩვენი შრომა ისტორიას და შთამომავლებს შემორჩეს, თუმცა, როგორია, იყო იმდენად დიდი, რომ საზომი გახდე მათთვისაც, ვისაც შენს დროში არც კი უცხოვრია. პელე ასეთი იყო - მეტრი არამხოლოდ ფეხბურთში. თუკი რაიმეს საუკეთესოდ ასრულებ, პელე ხარ, ფეხბურთი საერთოდ გიყვარს თუ არა...
![Sportall.Ge](/pictures/artimages/original/bf8d153e3adab726508ff2d2e3f725f7.jpg ""ჩაქრნენ ვარსკვლავნი, ზეცა იცლება" - პელე მონათესავე სულებს შეუერთდა, იქ ფეხბურთი არის?!")
კახი კავსაძე - "მე, პელეს ნათლია" (1991)
ფილმში "მე, პელეს ნათლია", ლეგენდარული
მე-20 საუკუნის საფეხბურთო დიდება დასრულდა და ყველაფერი ეს ემოციების გარეშე არ გამოვა. ფეხბურთი სულ უზენაესი იქნება, სხვა ვარსკვლავებიც არიან და იარსებებენ, თუმცა პელე თავისუფალ ადგილს დატოვებს.
![Sportall.Ge](/pictures/artimages/original/ef5ab7e7218ba14acd79aa67c3d4a7a3.jpg ""ჩაქრნენ ვარსკვლავნი, ზეცა იცლება" - პელე მონათესავე სულებს შეუერთდა, იქ ფეხბურთი არის?!")
ტარიელ ხარხელაური:
"ჩაქრნენ ვარსკვლავნი, ზეცა იცლება,
მთვარე ეღვრება ციდან იელებს,
ვეღარც მზის მოსვლით ვერ შეივსება,
ეს შემზარავი სიცარიელე."
პელეს როლი და მისია მართლაც შეუვსებელი დარჩება.
ის ამბობდა: "ხანდახან ღამით მეღვიძება და ვფიქრობ, კი მაგრამ, რატომ ვარ კიდევ პოპულარული? სიმართლე გითხრათ, ამ კითხვაზე პასუხი არ მაქვს".
![Sportall.Ge](/pictures/artimages/original/52f75671fc4b058647248a99d340bdb4.jpg ""ჩაქრნენ ვარსკვლავნი, ზეცა იცლება" - პელე მონათესავე სულებს შეუერთდა, იქ ფეხბურთი არის?!")
პელე. ვაჟა სიმონიშვილის კარიკატურა
წმინდა საფეხბურთო კომპონენტებზე ბევრი საუბარი საჭირო სულაც არაა, პელეს შესახებ ყველამ ყველაფერი იცის. ფეხბურთი 1970 წლიდან სხვანაირი გახდა და ამის მიზეზი მხოლოდ ის არ იყო, რომ რეპორტაჟები ფერადად გადაიცემოდა. დრო იცვლება, თუმცა პელემ თანაგუნდელებთან ერთად ადრევე ყველაფერი გვაჩვენა, რის გამოც ეს სახეობა ასე გვიყვარს. მისი როლი მართლაც გარდამტეხია.
პელე სიკვდილზეც საუბრობდა ხოლმე:
"დედამიწაზე ყველაფერი თამაშია, წარმავალი რამ. ჩვენ, ყველანი მოვკვდებით. ასე არაა"?
![Sportall.Ge](/pictures/artimages/original/8e1d639cbd4a7333d2f2c245f9d088cd.jpg ""ჩაქრნენ ვარსკვლავნი, ზეცა იცლება" - პელე მონათესავე სულებს შეუერთდა, იქ ფეხბურთი არის?!")
ფეხბურთის მეფის გარდაცვალებას მაშინვე მთელი მსოფლიო, მათ შორის, მოქმედი მოთამაშეებიც გამოეხმაურნენ. ყველას რაღაც სიმი ჩასწყდა და მათ სიტყვებში გულწრფელობა იგრძნობა.
კიდევაც დაიზრდებიან!..
![alt](/pictures/image50/1863a259a0b498e2db9823dde7a16777.jpeg ""ჩაქრნენ ვარსკვლავნი, ზეცა იცლება" - პელე მონათესავე სულებს შეუერთდა, იქ ფეხბურთი არის?!")
მსოფლიო ფეხბურთის ლეგენდა პელე გარდაიცვალა
![alt](/pictures/image50/b8fc3d6d3e607f78fe8ac32a0d0d7cbf.jpg ""ჩაქრნენ ვარსკვლავნი, ზეცა იცლება" - პელე მონათესავე სულებს შეუერთდა, იქ ფეხბურთი არის?!")
"მაშინ პელემ აღთქმა აპარეციდას ღვთისმშობლის წინაშე დადო" - ფრაგმენტი პელეს ცხოვრებიდან
![alt](/pictures/image50/d6029097d8477025c38347ccc8594bc4.jpg ""ჩაქრნენ ვარსკვლავნი, ზეცა იცლება" - პელე მონათესავე სულებს შეუერთდა, იქ ფეხბურთი არის?!")
"დღეს არ ვმუშაობთ, პელეს სანახავად მივდივართ" - მესამე მუნდიალის მოგების ისტორია
