"ბრენტფორდის" მეკარე დავიდ რაია, დიდი ალბათობით, კარიერას "ტოტენჰემში" გააგრძელებს, ამის შესახებ ავტორიტეტული ჟურნალისტი ფაბრიციო რომანო იტყობინება.წყაროს ცნობით, ესპანელმა ფეხბურთელმა "დეზებთან" პირადი კონტრაქტის დეტალები შეათანხმა, ახლა კი მოლაპარაკებებს კლუბები აწარმოებენ.
ცნობილია, რომ "ფუტკრები" რაიას სანაცვლოდ 40 მილიონ ევროს ითხოვენ, ლონდონელები კი აღნიშნული თანხის გადახდას არ აპირებენ.
შეგახსენებთ, "ტოტენჰემს" მალე უგო ლორისი დატოვებს. სხვადასხვა ბრიტანული გამოცემა ავრცელებდა ინფორმაციას, რომ "დეზები" გიორგი მამარდაშვილის გადაბირებით ინტერესდებოდა, თუმცა, როგორც ჩანს, ეს ნაკლებად სავარაუდოა.
![alt](/pictures/image50/01589dc50ac4922e51225b50efdf015f.jpg ""მამარდა" გამოირიცხა - "ტოტენჰემმა" არჩევანი სხვა მეკარეზე გააკეთა")
მამარდაშვილი: "ისეთი ფეხბურთელები ვართ შეკრებილი, საქართველო უნდა გავახაროთ!.."
