ბრაზილიის ნაკრებმა მსოფლიოს ჩემპიონატის შესარჩევი ეტაპი ბოლივიასთან მატჩით დაიწყო და მეტოქეს 5:1 მოუგო. ამ შეხვედრაში ბრაზილიური ფეხბურთისთვის განსაკუთრებული ფაქტი დაფიქსირდა - ნეიმარმა ნაკრების მაისურით 78-ე და 79-ე გოლი შეაგდო და პელეს რეკორდი გააუმჯობესა.
ამაზონის რეგიონის ქალაქ ბელემში გამართულ შეხვედრაში ანგარიში როდრიგომ გახსნა და პირველი ტაიმი "სალესაომ" მინიმალური სხვაობით მოიგო. მეორე ნახევრის დასაწყისში თავი რაფინიამ გამოიჩინა, რასაც როდრიგოს მეორე გოლი მოჰყვა. "რეალის" გარემარბის გარდა თამაშში დუბლი ნეიმარმაც შეასრულა - პსჟ-ის ფორვარდმა სანაკრებო მაისურით 78-ე და 79-ე გოლები გაიტანა. სტუმართა მხრიდან პრესტიჟის გოლი ვიქტორ აბრეგომ შეაგდო. ბრაზილიამ მატჩი იოლად მოიგო და საკვალიფიკაციო ცხრილს სათავეში ჩაუდგა.
რაც შეეხება ნეიმარს, 31 წლის ფეხბურთელმა პელე ორი გოლით ჩამოიტოვა. 79 გოლის გასატანად "ნეის" 125 მატჩი დასჭირდა, პელეს, კი 77 შედეგიანი დარტყმა 92 შეხვედრაში ჰქონდა.
ბრაზილია მომდევნო შეხვედრას სტუმრად, პერუს წინააღმდეგ ჩაატარებს. მატჩი 12 სექტემბრის გამთენიისას გაიმართება.
13:10 09-09-2023
ნეიმარმა პელეს რეკორდი მოხსნა - ბრაზილიამ ბოლივია გაანადგურა [VIDEO]
AutoSharing Option
მკითხველის კომენტარები / 10 /
მოწონებების მიხედვით
თარიღის მიხედვით
ესეთი მაგარი ნიჭის და დრიბლინგის ფეზბურთელი და ასეთი არასერიოზული და ბანძი არ არსებობს, ეს რო ბარსადან არ წასულიყო გაცილებით მაგარი და შედეგიანი კარიერა ექნებოდა, თან რა არაპროფესიონალია,ამას სალაჰიც მირჩევნია და კორეელი სონიც თავისი კარიერით, ტიპი ბრაზილიის ნაკრებში მეფესავითაა სულ, მესის მეგობარი და იმ ბარსელონას შეუცვლელი ფიგურა, დაკრა ფეხი და პსჟში გადავიდა ფულის და მესის ჩრდილიდან გამოსვლის გამო, ხოდა სიბნელეში გადაინაცვლა და ეხლა ხო საერთოდ უკუნეთში წავიდა
4
0
ერთი მაგდენიც რო გაიტანოს პელეს ფეხის ფრჩხილის დარიც ვერ იქნება ნეი
6
1
ყველა კომენტარი
გააკეთეთ კომენტარი
ასევე დაგაინტერესებთ
უძრავი ქონება
სიახლეები
პოპულარული
