"როსტოვის" 22 წლის მცველ ილია ვახანიას (რომელიც მამით ქართველია) რუსეთის ნაკრებში დებიუტი ჰქონდა. მან ეგვიპტის 23-წლამდელთა წინააღმდეგ 18 წუთი ითამაშა, ამხანაგური მატჩი კი 1:1 დასრულდა. შეხვედრის შემდეგ ახალგაზრდა ფეხბურთელმა RB Sport-ს ინტერვიუ მისცა და ჟურნალისტმა იმის შესახებაც ჰკითხა, ჰქონდა თუ არა შანსი, რომ საქართველოს ნაკრებში ეასპარეზა.
"ოფიციალური წინადადება საქართველოდან არასდროს ყოფილა. სოციალურ ქსელში რამდენიმე ყალბი გვერდიდან მომწერეს და მითხრეს, რომ სფფ-იდან იყვნენ და ნაკრებში მეპატიჟებოდნენ.
მიფიქრია თუ არა ამაზე? - არა. მხოლოდ საკლუბო ფეხბურთზე ვიყავი ორიენტირებული და აჟამად მხოლოდ "როსტოვზე"
ვახანია "ზენიტის" აღზრდილია, სანკტპეტერბურგელთა მეორე გუნდში ასპარეზობდა და ამ სეზონის დაწყების წინ "როსტოვში" ჩაირიცხა.
!["ლოკომოტივმა" "როსტოვს" ერთი ტაიმი გაუძლო - კაშიამ ითამაშა [VIDEO]](/pictures/image7/4eee5530614818e11b6258e1dd956256.jpg "\"ლოკომოტივმა\" \"როსტოვს\" ერთი ტაიმი გაუძლო - კაშიამ ითამაშა [VIDEO]")
