მსოფლიოს ერთ-ერთმა ულამაზესმა ქალმა ფეხბურთელმა, ხორვატმა ანა მარია მარკოვიჩმა, რომელიც ამჟამად შვეიცარიული "გრასჰოპერსის" ღირსებას იცავს, განაცხადა, რომ არ მოსწონს, როდესაც მასზე სიტყვა "სექსუალურს" ამბობენ. "არ ვცდილობ ვაჩვენო, რამდენად სექსუალური ვარ, მაგრამ მომწონს იმის ჩვენება, თუ რამდენად შრომისმოყვარე ვარ და ვცხოვრობ ჯანსაღი, ლამაზი, მოდური ცხოვრების წესით.
არ მიყვარს, როცა ჩემზე სიტყვა "სექსუალურს" ამბობენ, რადგან ეს კლიშეა. ამას იმიტომ ამბობენ, რომ თვლიან, რომ ლამაზი ქალი ფეხბურთელი ვერ იქნება", - განაცხადა მარკოვიჩმა სააგენტო Lusa-სთან ინტერვიუში.
