პრემიერლიგის მე-20 ტურში "ლივერპულმა" "ნიუკასლს" უმასპინძლა და 4:2 დაამარცხა.
22-ე წუთზე "კაჭკაჭების" კარში თერთმეტმეტრიანი დაინიშნა, თუმცა მოჰამედ სალაჰმა გოლის გატანა ვერ მოახერხა.
49-ე წუთზე ეგვიპტელმა შეხვედრაში ანგარიშის გახსნა მაინც შეძლო, გატანილი გოლიდან 5 წუთში ალექსანდერ ისაკმა სხვაობა აღადგინა.
74-ე წუთზე კერტის ჯონსმა "ლივერპული" წინ გაიყვანა. მალევე გაკპომ მეტოქესთან სხვაობა გაზარდა. 81-ე წუთზე სვენ ბოტმანმა პრემიერლიგის მიმდინარე სეზონში მეორე გოლი გაიტანა. საბოლოო წერტილი კი თერთმეტმეტრიანით მოჰამედ სალაჰმა დასვა.
ამრიგად, "ლივერპული" ჩემპიონატში 45 ქულით 1-ელ ადგილს იკავებს. იურგენ კლოპის გუნდი მორიგ მატჩს 7 იანვარს, ინგლისის თასზე, "არსენალის" წინააღმდეგ გამართავს.
"ნიუკასლი" პრემიერლიგის სატურნირო ცხრილში 29 ქულით მე-9 ადგილზეა. ედი ჰაუს გაწვრთნილი გუნდი 6 იანვარს, ინგლისის თასზე, "სანდერლენდს" დაუპირისპირდება.
12:00 02-01-2024
გოლების წვიმა "ენფილდზე" - "ლივერპულმა" "ნიუკასლი" დაამარცხა [VIDEO]
AutoSharing Option
მკითხველის კომენტარები / 1 /
მოწონებების მიხედვით
თარიღის მიხედვით
დიდი ბედნიერებაა ახალ წელს სტადიონზე რომ წახვალ და ესეთ თამაშს ნახავ!!! გაუმართლათ ლივერპულელებს:)))
8
0
ყველა კომენტარი
გააკეთეთ კომენტარი
ასევე დაგაინტერესებთ
![კოშმარი გრძელდება - "მანჩესტერ იუნაიტედი" შინ "ნიუკასლთან" დამარცხდა [VIDEO]](/pictures/image7/60a236c103ce0ff33a20e8c2d9aa271a.jpg "კოშმარი გრძელდება - \"მანჩესტერ იუნაიტედი\" შინ \"ნიუკასლთან\" დამარცხდა [VIDEO]")
უძრავი ქონება
სიახლეები
პოპულარული
