"კვარას" და ოსიმენს ამას ვეტყვი; რაც შეეხება დე ლაურენტისს..." - რა თქვა მაცარიმ "სალერნიტანასთან" მატჩის წინ

ხვალ, 13 იანვარს, სერია A-ს მე-20 ტურში, "ნაპოლი" "სალერნიტანას" უმასპინძლებს. "პარტენოპეის" მთავარმა მწვრთნელმა ვალტერ მაცარიმ მატჩის წინ სხვადასხვა თემაზე ისაუბრა.

"ნაპოლის" ყოველთვის ძლიერი მწვრთნელი უნდა ჰყავდეს. სხვადასხვა გუნდში მიმუშავია, "პარტენოპეის" კი ყოველთვის მაღალი მიზნები აქვს. მატჩისთვის კარგად მოვემზადეთ, ფეხბურთელებით კმაყოფილი ვარ.

ჩემთვის მნიშვნელოვანია, რომ ფეხბურთელებმა მაისურისთვის ითამაშონ. მართალია, დღეს აგენტებს უფრო დიდი უფლებები აქვთ, ვიდრე გასულ წლებში. როდესაც მოედანზე ხარ, "ნაპოლისთვის" უნდა ითამაშო. სწორედ ამას ვეტყვი კვარაცხელიას და ოსიმენსაც. როდესაც სავარჯიშო ბაზას დატოვებ, აგენტთან შემდეგ ისაუბრე, დანარჩენი არ მადარდებს.

ვნახავთ თუ არა "სალერნიტანასთან" განსხვავებულ "ნაპოლის"? დიდი არჩევანი არ მაქვს. იმედი მაქვს, რომ მოთამაშეების სათანადოდ მოტივირება შევძელი. ტურინში ბიჭებს ვერ დავეხმარე, რის გამოც მათ ბოდიშს ვუხდი. კარგი განწყობის შესაქმნელად საუკეთესო დროა, რადგან შინ ვთამაშობთ.

ისევ ვგრძნობ თუ არა დე ლაურენტისისგან ნდობას? საერთოდ არ მაინტერესებს, მე მხოლოდ "ნაპოლიზე" ვფიქრობ. ყველაფერს გავაკეთებთ იმისთვის, რომ გამარჯვება მოვიპოვოთ.

იმსახურებს თუ არა მეტ დროს ოსტიგორი? ძირითად თერთმეტეულს გამორჩეული სახელის მქონე ფეხბურთელებით არ ვაკომპლექტებ, ვენდობი მოთამაშეებს, რომლებიც კონკრეტული მატჩისთვის საუკეთესოდ არიან მომზადებული", - განაცხადა მაცარიმ.

შეგახსენებთ, გუნდებს შორის შეხვედრა თბილისის დროით 18:00 საათზე დაიწყება.

"გავათავისუფლებთ თუ არა მაცარის?" - "ნაპოლის" დირექტორის კომენტარი

მაცარი: კვარაცხელია მსაჯებისგან დაცვას საჭიროებს - რაში გვჭირდება VAR-ი?

"მან შეცდომა დაუშვა, თუმცა, როდესაც დაბრუნდება, იმედი მაქვს, დაგვეხმარება" - რა თქვა მაცარიმ "მონცასთან" მატჩის წინ