Telefootball-ის ცნობით, ფეხბურთის საერთაშორისო ასოციაციის საბჭო დღეს, 9 თებერვალს, ლურჯი ბარათების შემოღებას მხარს დაუჭერს.მას შემდეგ, რაც მსაჯი ფეხბურთელს ლურჯ ბარათს უჩვენებს, მოთამაშე მოედანს 10 წუთით დატოვებს. ლურჯი ბარათით გაფრთხილებას მიიღებენ ფეხბურთელები, რომლებიც სახიფათო შეტევას ჩაშლიან ან მსაჯს შეეკამათებიან.
მოთამაშე, რომელიც 2 ლურჯ ბარათს მიიღებს, მოედნიდან გაძევებული იქნება. ასევე, თუ ფეხბურთელი ლურჯი ბარათის მიღების შემდეგ ყვითელ ბარათს მიიღებს, ავტომატურად წითელ ბარათად გადაკეთდება.
ნებისმიერ შემთხვევაში, აღნიშნულს 2024/2025 წლების სეზონში მამაკაცთა და ქალთა შორის ინგლისის საფეხბურთო ასოციაციის თასის შეხვედრებში გამოცდიან.
მე კი, იცით, რა სიახლეს შემოვიღებდი? ყვითელ ბარათიან მოთამაშეს რომ ცვლიან, შეცვლაზე შემოსული ფეხბუთელი პირველივე ყვითელი ბარათის მიღების შემთხვევაში უნდა დატოვოს მინდორი. თორემ რა გამოდის? ერთ ფეხის მტვრეველს მეორე მტვრეველი ცვლის და შეუძლია უმტკივნეულად გააგრძელოს თავისი მოძმის შავი საქმე. არადა თანამედროვე ფეხმურთში შეცვლების რაოდენობა უკვე ხუთამდეა გაზრდილი.