მაიამის "ინტერის" ლეგენდარულმა შემტევმა ლიონელ მესიმ "ბარსელონადან" პსჟ-ში გადასვლის შემდეგ შექმნილ სირთულეებზე ისაუბრა. "პსჟ-ში გადასვლა რთული იყო, რადგან "ბარსელონაში" ძალიან კარგი დრო გავატარე და ვფიქრობდი, რომ დავრჩებოდი. წასასვლელად მზად არ ვიყავი, ყველაფერი ძალიან სწრაფად მოხდა, რამდენიმე დღეში მომიწია ცხოვრების შეცვლა.
სხვა ლიგა დამხვდა, სხვა კლუბი, ახალი გასახდელი. ეს იყო ცვლილება, რომელსაც ჩვენ არ ვეძებდით და ამიტომ იყო თავიდან რთული", - თქვა მესიმ Big Time-ის პოდკასტში.
