"ნაპოლის" ფორვარდის, ვიქტორ ოსიმენის მომავალი გაურკვეველია. La Gazzetta dello Sport-ის ცნობით, ნიგერიელი წინადადებას ლონდონის "არსენალისა" და არაბული კლუბებისგან ელოდება.წყაროს ცნობით, 25 წლის ფეხბურთელი პრემიერლიგაში თამაშზე ოცნებობს და "მეთოფეებში" გადასვლა მისთვის პრიორიტეტულია, თუმცა ლონდონელები მასში 130 მილიონის გადახდას არ აპირებენ და ამ პოზიციაზე, დიდი ალბათობით, "ლაიფციგიდან" ბენჟამინ შეშკოს გაიფორმებენ.
თავდაპირველად ბევრი იწერებოდა, რომ ოსიმენი კარიერას "ჩელსიში" გააგრძელებდა, თუმცა, ფაბრიციო რომანოს ცნობით, ჯერჯერობით "არისტოკრატები" მისი დამატების ვარიანტს არც კი განიხილავენ.
აურელიო დე ლაურენტისი ოსიმენის დათმობას 130 მილიონ ევროზე ნაკლებად არ განიხილავს.
ტრანსფერის შანსს ზრდის ისიც, რომ ოსიმენი"პარტენოპეის" ახალი მთავარი მწვრთნელის, ანტონიო კონტეს სამომავლო გეგმებში არ შედის. იტალიელ სპეციალისტს რომელუ ლუკაკუსთან მუშაობა სურს.
ვიქტორმა გასულ სეზონში "ნაპოლის" მაისურით ყველა ტურნირზე 32 მატჩი გამართა, თავი კი 17 გატანილი გოლითა და 4 საგოლე პასით გამოიჩინა.
"ნაპოლის" პრობლემა: პსჟ-ს "კვარა" სურს, ოსიმენი - არა
დიდი გაცვლა და პლუს, თანხა? - ოსიმენის "ნაპოლიდან" წასვლის შესაძლო დეტალები
!["ყველა თავს რატომ მესხმის? იცოდეთ, ჩანაწერს გამოვაქვეყნებ!" - ოსიმენი წყობიდან გამოვიდა [VIDEO]](/pictures/image7/2c1ecfc5eee039d7215075834d656030.png "\"ყველა თავს რატომ მესხმის? იცოდეთ, ჩანაწერს გამოვაქვეყნებ!\" - ოსიმენი წყობიდან გამოვიდა [VIDEO]")
აშკარად მარტო იმისთვის ქნეს რო, ერთმა ახალ გუნდში გაინაღდოს მინიმუმ 10მლნ და მეორემ გარანტირებულად 130 მლნ აიღოს გაყიდვით.
მარა უი ჩელსის არ ნდომებია))
თუმცა თუ კვარა ნაპოლიში რჩება, მაშინ ოსიმენის ნაპოლიში დარჩენა მე პირადად გამიხარდება ძალიან!