ხორვატიულმა "ჰაიდუკმა" გვაუწყა, რომ გუნდის ახალი მწვრთნელი ჯენარო გატუზო გახდა და მას კონტრაქტი 2026 წლის ზაფხულამდე გაუფორმა. იტალიელის ბოლო სამსახური ფრანგული "მარსელი" გახლდათ, საიდანაც 4 თვის წინ დაითხოვეს.
ქალაქ სპლიტის გუნდმა გასულ სეზონში ხორვატიის ჩემპიონატში მე-3 პოზიცია დაიკავა და ბრინჯაოს მედლები დაისაკუთრა. წარსულში გატუზოს "სიონი", "ოფი", "პალერმო", "პიზა", "მილანი", "ნაპოლი", "ვალენსია" და ზემოთ ნახსენები "მარსელიც" გაუწვრთნია.
