"ამ ფეხბურთელს "ნაპოლიში" საერთოდ რა ესაქმება? მისი თამაშის ყურებას მირჩევნია, რომ..." - რას აცხადებს მარადონას შვილი?

დიეგო მარადონა უმცროსმა Pianeta Serie B-სთან ინტერვიუში "ნაპოლის" შესახებ ისაუბრა.

დიეგოს თქმით, მას არ ესმის, რატომ იღებს ამდენ სათამაშო დროს იენს კაიუსტე.

"სიმართლე გითხრათ, ვერ ვხვდები, რა ესაქმება კაიუსტეს "ნაპოლიში"? ან რატომ იღებს ამდენ სათამაშო დროს? მის ნაცვლად, მირჩევნია, რომ ძირითად შემადგენლობაში მეორე გუნდის მოთამაშე ვიხილო. "პარტენოპეი" საკუთარ აკადემიას სათანადოდ არ იყენებს.

მაგალითად მახსენდება ტუტინო და ამბროზინო, მაგარი ბიჭები იყვნენ, თუმცა სათანადო შანსი არ მიეცათ. საბოლოოდ მათ პროფესიონალურ დონეზე მაინც ითამაშეს, მაგრამ გული მწყდება, რომ საუკეთესო თვისებების გამოვლენა "ნაპოლიში" ვერ მოახერხეს", - განაცხადა მარადონა უმცროსმა.

შეგახსენებთ, იენს კაიუსტე "ნაპოლის" გასულ ზაფხულს, "რეიმსიდან", 12 მილიონი ევროს სანაცვლოდ შეუერთდა.

თქვენ ფიქრობთ, რომ სუპერგმირები ხართ? ეს ტყუილია! დღეები, რომლებმაც დიეგო მარადონას ცხოვრება შეცვალა

დიეგო მარადონას შვილი რეანიმაციაში იმყოფება