შეხვედრაში ანგარიში მე-3 წუთზე ვიქტორ ოსიმენმა გახსნა, ნიგერიელმა გატანილი გოლი მის თანაგუნდელს, მაურო იკარდის მიუძღვნა, მოგეხსენებათ, არგენტინელმა რამდენიმე დღის წინ ჯვარედინი იოგები გაიწყვიტა და თურქულ გუნდს მიმდინარე სეზონში ვეღარ დაეხმარება.
50-ე წუთზე "სამსუნსპორის" ნახევარმცველმა ოლივერ ნჩამ პენალტი ზუსტად შეასრულა და ანგარიში გაათანაბრა.
55-ე წუთზე კი "გალათასარაი" წინ კვლავ ოსიმენმა გაიყვანა და ნიგერიელმა ზედიზედ მეორე მატჩში დუბლი შეასრულა. 85-ე წუთზე მიჩი ბაჩუაიმ სტამბოლელთა უპირატესობა ორ ბურთამდე გაზარდა, 90+3 წუთზე კი აიტ ბენასერმა ერთი ბურთი გაქვითა და შეხვედრის საბოლოო ანგარიში დააფიქსირა.
"გალათასარაი" თურქეთის სუპერლიგის სატურნირო ცხრილში 31 ქულით პირველ ადგილს იკავებს და უახლოეს მდევარ "ფენერბაჰჩეს" 5 ქულით უსწრებს.
რაც შეეხება ოსიმენს, "ნაპოლიდან" "გალაში" განათხოვრებულმა ფორვარდმა მიმდინარე სეზონში ყველა ტურნირზე 9 მატჩში 8 გოლის გატანა და 4 საგოლე პასის შესრულება მოახერხა.
"გალათასარაის" ოსიმენის შეძენა სურს - თურქული კლუბის პირველი შეთავაზება "ნაპოლის"
"გალათასარაიმ" ოსიმენის გამოსყიდვა მოისურვა
"იბრაჰიმოვიჩი ოსიმენის ტრანსფერზე მუშაობს და მზადაა "ნაპოლის" ლეაო დაუთმოს, ყველაფერი "კვარაზეა" დამოკიდებული" - იტალიელი ჟურნალისტის სენსაციური ინფორმაცია
