"ცუდად მძინავს, საჭმლის მონელებასთან დაკავშირებით პრობლემები მაქვს" - გვარდიოლა

"მანჩესტერ სიტის" და გუნდის მთავარ მწვრთნელს პეპ გვარდიოლას რთული დღეები აქვთ. "ქალაქელები" პრემიერლიგაში ლიდერ "ლივერპულს" 8 ქულით ჩამორჩება (მერსისაიდელებს ერთი მატჩით ნაკლები აქვთ ჩატარებული), ჩემპიონთა ლიგაზე კი "იუვესთან" 0:2 მარცხის შემდეგ 22-ე ადგილს იკავებს.

გვარდიოლამ Talksport-თან ინტერვიუში რთული პერიოდის შესახებ ისაუბრა.

"კანის პრობლემები მაქვს, ორი-სამი წლის განმავლობაში ანტიჰისტამინური საშუალებები უნდა მივიღო. ბევრი ნერვიულობა მიწევს, რთული დღეები მაქვს. ზოგჯერ გონებასაც ვკარგავ.

კარგად არ მძინავს, საჭმლის მონელებასთან დაკავშირებით პრობლემები მაქვს. აუცილებელია, რომ მსუბუქად ვიკვებო, საღამოს მხოლოდ წვნიანს მივირთმევ.

ისევ ის მწვრთნელი ვარ, რომელიც 5 წლის წინ ვიყავი. ვიცი, რომ სირთულეები გაივლის.

არ არსებობს ფეხბურთელი ან მწვრთნელი, რომელსაც რთული პერიოდი არ ჰქონია. ცხოვრებაში ყველაფერი ისე არ მიდის, როგორც გვსურს, ეს მოცემულობა უნდა მივიღოთ.

შევძლებთ თუ არა კვლავ დიდი მიზნებისთვის ვიბრძოლოთ? არ ვიცი ამას ამ სეზონში თუ მოვახერხებთ. სტაბილურობა უნდა ვიპოვოთ. თუ ამას გავაკეთებთ, მეტოქეებს ჩვენთან წარმატების მიღწევა გაუჭირდებათ", - განაცხადა გვარდიოლამ.

"ხალხი ამბობდა, რომ "ბარსელონაში" წარმატებას მესისა და სხვა ფეხბურთელების წყალობით მივაღწიე" - გვარდიოლამ კრიტიკოსებს უპასუხა

დაინტერესება სერიოზულია - კვარაცხელია გვარდიოლას სიაშია და "სიტი" ოფიციალური შეთავაზებისთვის ემზადება

ასე დასცინეს გვარდიოლას "ტოტენჰემის" ფანებმა - გვარდიოლამ სამწვრთნელო კარიერაში ყველაზე ცუდი შედეგი დააფიქსირა [VIDEO]