"ასტონ ვილას" ნახევარმცველი ემილიანო ბუენდია სეზონის მეორე ნახევარს იჯარის წესით "ლევერკუზენში" გაატარებს, ამის შესახებ ინფორმაციას ფაბრიციო რომანო ავრცელებს.წყაროს ცნობით, გერმანულ კლუბს სურვილის შემთხვევაში, არგენტინელის 20 მილიონ ევროდ გამოსყიდვის უფლება ექნება.
"ასტონ ვილამ" ბუენდია 2021 წელს, "ნორვიჩიდან", 30 მილიონი ევროს სანაცვლოდ შეიძინა, თუმცა ემილიანომ მასზე გაცემული იმედები ვერ გაამართლა, რაშიც ხელი ტრავმებმაც შეუშალა.
ბუენდიამ "ვილანების" მაისურით 97 მატჩი ჩაატარა, თავი კი 10 გატანილი გოლითა და 9 შედეგიანი პასით გამოიჩინა.
