"ალ ნასრიმ" ოფიციალურად დაადასტურა, რომ "ასტონ ვილადან" 21 წლის კოლუმბიელი შემტევი ჯონ დურანი შეიძინა და კონტრაქტი 2030 წლის ივნისამდე გაუფორმა. transfermarkt-ის ინფორმაციით, ახალგაზრდა ფეხბურთელის სატრანსფერო ღირებულებამ 77 მილიონი ევრო შეადგინა და კოლუმბიელი ამ ქვეყნის ისტორიაში მეორე ყველაზე ძვირადღირებული ტრანსფერი გახდა.
საუდის არაბეთის კლუბებმა ყველაზე ძვირად ნეიმარი იყიდეს. "ალ ჰილალმა" ბრაზილიელის სანაცვლოდ 90 მილიონი ევრო გადაიხადა.
