"რომას" ცენტრალური მცველი მატს ჰუმელსი სეზონის დასრულების შემდეგ ფეხბურთიდან წავა, ამის შესახებ ვეტერანმა გერმანელმა გულშემატკივრებს სოციალური ქსელის მეშვეობით აცნობა.ჰუმელსმა საფეხბურთო კარიერა მიუნხენის "ბაიერნში" დაიწყო, კარიერის საუკეთესო წლები კი "დორტმუნდში" გაატარა, სადაც ბუნდესლიგის გამარჯვებული ორჯერ გახდა. მატსი 2016 წელს კვლავ "რეკორდმაისტერში" დაბრუნდა და 3 ბუნდესლიგა მოიგო, 2019 წელს კი ისევ "ყვითლებს" შეუერთდა.
ჰუმელსი 2014 წელს გერმანიის ნაკრებთან ერთად მსოფლიოს ჩემპიონი გახდა. მიმდინარე სეზონში 36 წლის მცველს "რომაში" მცირე სათამაშო დრო ეძლევა, გერმანელმა "მგლების" რიგებში ჯამში 12 მატჩი გამართა.
მოშიშვლებული მკერდი საბავშვო კულინარიული წიგნით - ჰუმელსის ყოფილი მეუღლე მკაცრად გააკრიტიკეს
მატს ჰუმელსი "ინტერთან" "ქამბექზე": არ მოველოდი, რომ ყველაფერი ასე კარგად მოხდებოდა
