თუ მადრიდის "რეალის" მთავარი მწვრთნელი კარლო ანჩელოტი ბრაზილიის ნაკრების ჩაბარებაზე უარს იტყვის, "სელესაო" კიდევ ერთი იტალიელი სპეციალისტის, რობერტო მანჩინის კანდიდატურას განიხილავს, ამის შესახებ ინფორმაციას Goal.com-ი ავრცელებს.მოგეხსენებათ, მას შემდეგ, რაც მანჩინი საუდის არაბეთის ნაკრებიდან გაათავისუფლეს, უმუშევარია და გამოცემის ინფორმაციით, ბრაზილიის ნაკრების ჩაბარებით თავადაც დაინტერესებულია.
დიდი ალბათობით, ყველაფერი სეზონის დასრულების შემდეგ გაირკვევა, როდესაც "რეალი" ანჩელოტის თაობაზე საბოლოო გადაწყვეტილებას მიიღებს.
შეგახსენებთ, მანჩინის ხელმძღვანელობით იტალიის ნაკრები ევრო 2020-ის გამარჯვებული გახდა.
