ჩემპიონთა ლიგის ფინალის ფაქტები და სტატისტიკა: "რეალისა" და რონალდოს რეკორდები

AutoSharing Option
* მადრიდის "რეალმა" ჩემპიონთა თასი მე-12-ედ მოიგო, რაც საუკეთესო მაჩვენებელია. "მილანს" 7 მოგება აქვს; "ბარსელონას", "ბაიერნსა" და "ლივერპულს" - 5-5.

* ჯიჯი ბუფონი (იუვენტუსი) ფინალის მონაწილეთა შორის ხანდაზმულობით მეორეა - ბუფონმა ფინალი 39 წლისა და 126 დღის ასაკში ითამაშა, ედვინ ვან დერ საარი (მანჩესტერი) კი ლიგის ფინალში 40 წლისა და 211 დღის იყო.

* დანი ალვეში (იუვენტუსი) მეორე ბრაზილიელია, ვინც ჩემპიონთა ლიგაზე 100 მატჩი ითამაშა. პირველი იყო რობერტო კარლოსი.

* ტურინის "იუვენტუსის" სასტარტო შემადგენლობა ხანდაზმულობით მეორეა ლიგის ფინალების ისტორიაში -
"იუვეს" საშუალო ასაკი 30 წელი და 336 დღეა. 2007 წელს "მილანის" საშუალო ასაკი 31 წელი და 35 დღე იყო.

* კრიშტიანო რონალდო (რეალი) პირველი ფეხბურთელია, ვინც სამ ფინალში გაიტანა.

* მადრიდის "რეალმა" ზედიზედ 65-ე თამაშში შეძლო გოლის გატანა. "რეალმა" ბოლოს 2016 წლის აპრილში ვერ გაიტანა "სიტისთან" დაპირისპირებაში.

* "რეალი" პირველი გუნდია, რომელმაც ჩემპიონთა ლიგაზე (საკვალიფიკაციო ეტაპები არ იგულისხმება) 500 გოლი გაიტანა.

* მარიო მანჯუკიჩი (იუვენტუსი) გახდა მესამე ფეხბურთელი, ვინც ლიგაზე ორი სხვადასხვა გუნდის მაისურით გაიტანა. პირველი იყო ველიბორ ვასოვიჩი ("პარტიზანი" და "აიაქსი"), მეორე - კრიშტიანო რონალდო ("მანჩესტერი" და "რეალი"). მარიოს აქამდე "ბაიერნის" მაისურით გაუტანია ფინალში.

* რონალდოს მეორე გოლი პორტუგალიელის საფეხბურთო კარიერაში მე-600 გამოდგა. 406 გოლი მან "რეალის" მაისურით გაიტანა, 118 - "მანჩესტერ იუნაიტედის", 5 - "სპორტინგის", 71 პორტუგალიის ნაკრების.

* კრიშტიანო რონალდომ ჯანლუიჯი ბუფონს 5 მატჩში 7 გოლი გაუტანა.

* "რეალი" პირველი გუნდია, რომელმაც ლიგის ეპოქაში ტიტულის შენარჩუნება შეძლო.

* ლიგის ბომბარდირი კრიშტიანო რონალდო გახდა 12 გოლით. პორტუგალიელი ზედიზედ მეხუთედ გახდა ლიგის ბომბარდირი. რონალდომ ამჯერადაც ლიონელ მესის გაასწრო - 11 გოლი.

* კრიშტიანო რონალდომ მეოთხედ მოიგო ჩემპიონთა ლიგა და რეკორდი გაიმეორა. რეკორდი კი კლარენს ზეედორფს, ჟერარდ პიკეს, ჩავი ერნანდესს, ანდრეს ინიესტას, სამუელ ეტო'ოსა და ლიონელ მესის ეკუთვნით.

* ბუფონს ლიგის ფინალებში უკვე 7 გოლი აქვს გაშვებული, მან ვან დერ სარის ანტირეკორდი გაიმეორა.

* "იუვენტუსმა" ზედიზედ მეხუთე ფინალი წააგო ლიგაზე და ამით ლისაბონის "ბენფიკას" ანტირეკორდი გაიმეორა. საერთო ჯამში, "იუვემ" ჩემპიონთა ლიგაზე 7 ფინალი წააგო, რაც ყველაზე უარესი შედეგია.

* "იუვენტუსმა" ფინალში იმაზე მეტი გოლი გაუშვა (4), ვიდრე მთელ დანარჩენ ტურნირში (3).

* ხუან კუადრადო (იუვენტუსი) პირველი ფეხბურთელია, ვინც ლიგის ფინალში გააძევეს, მას მერე, რაც შეცვლაზე შევიდა.

* გარეთ ბეილი (რეალი) გახდა მეექვსე ფეხბურთელი, ვინც მშობლიურ ქალაქში გახდა თასის მფლობელი.

* "რეალმა" ერთ სეზონში ლა ლიგა და ჩემპიონთა თასი 59-წლიანი პაუზის მერე, პირველად მოიგო.

* უეფას თასის სუპერთასისთვის "რეალი" ევროპალიგის გამარჯვებულ "მანჩესტერ იუნაიტედს" შეხვდება.

* ეს სეზონი ჩემპიონთა ლიგის ისტორიაში ყველაზე უხვგოლიანი გამოდგა. საშუალოდ მატჩში 3,04 გოლი გადიოდა (380 გოლი 125 მატჩში). 2012/13 წლების სეზონის რეკორდი დაემხო, როცა მატჩში 2,94 გოლი გადიოდა.

* კრიშტიანო რონალდო 105 გოლით ლიგის ყველა დროის ბომბარდირია.

* "რეალმა" ამ სეზონში (ყველა შეჯიბრებაში) სამოცივე თამაშში გაიტანა გოლი. ჯამში "რეალმა" 173 გოლი გაიტანა.

* ზედიზედ მეოთხე სეზონია, ჩემპიონთა ლიგას ესპანური კლუბი იგებს. სულ ესპანურმა კლუბებმა 17 თასი მოიგეს. იტალიას 12 ტიტული აქვს, ისევე, როგორც ინგლისს. მხოლოდ ჩემპიონთა ლიგას თუ ვიგულისხმებთ (1992/93 წლების სეზონიდან), ესპანეთს 10 ტიტული აქვს (აქედან 6 "რეალისაა), იტალიას - 5.

* კრიშტიანო რონალდოს მატჩის საუკეთესო ფეხბურთელის პრიზი სერ ალექს ფერგიუსონმა გადასცა.

* "სანტიაგო ბერნაბეუზე" ფინალის ლაივ-გადმოცემას 80 ათასი ესპანელი ფანი დაესწრო.

* "რეალის" თითოეული ფეხბურთელი ამ სეზონისთვის 1,5 მილიონ ევროს მიიღებს ბონუსის სახით.

* ზინედინ ზიდანი პირველი მწვრთნელია, ვინც ჩემპიონთა ლიგა ზედიზედ მოიგო.

ყოველდღიური სპორტული გაზეთი "ლელო"
მკითხველის კომენტარები / 10 /
შედეგს გუნდი დებს და არა ერთი ფეხბურთელი. ევროპის ჩემპიონატზე რონალდო ჩვეულებრივი ფეხბურთელი იყო, არაფერი განსაკუთრებული. რეალში ის ნომინალურ 9 ნომრად აქცია ზიდანმა რადგან უკვე ერთ კაცსაც ვეღარ ატყუებს და მარტო თვითონ ურტყამს კარში, რაშიც მთელი გუნდი ეხმარება და ეს გუნდი მადრიდის რეალია, მსოფლიოს საუკეთესო გუნდი. ვფიქრობ ასეთ გუნდში დვალიშვილიც გაიტადა გოლებს)
hala madrid-ს
08:51 07-06-2017
0
ვინცხას ალბათ სიტყვა გენიალური მესის გვარი გონია.
misha
01:35 07-06-2017
0

სიახლეები პოპულარული