ერთი კვირის წინ, დონეცკის „შახტარის“ ფეხბურთელები „ნოუ კამპზე“ „ბარსელონას“ პირველივე წუთებიდანვე რომ ეკვეთნენ და აგრესიული პრესინგით რომ სცადეს მსოფლიოს საუკეთესო გუნდის დაწნეხვა, გაოცებისგან პირი კი დავაღეთ, მაგრამ ისიც ფაქტია, რომ მირჩა ლუჩესკუს გუნდმა მეტი ვერაფრით გაგვაოცა, ხოლო საფინალო სასტვენის შემდეგ, ტაბლოზე ისეთი ანგარიში იყო დაფიქსირებული, რომელიც საპასუხო მატჩის წინ, დონეცკურ კლუბს მეოთხედფინალში გასვლის შანსს არ უტოვებს. თანაც, „შახტარს“ დღეს ორი უმნიშვნელოვანესი ფეხბურთელი არ ეყოლება: კაპიტანი დარიო სრნა ტრავმირებულია, დაცვის ბურჯი რაცი კი - დისკვალიფიცირებული.
საკადრო პრობლემები „ბარსელონასაც“ აქვს. მაგალითად, ბოიან
პეპ გვარდიოლამ უკრაინაში მეორე მეკარედ ოლასაბალი წაიყვანა, რადგან პინტუ ტრავმირებულია. საერთოდ, პეპმა დონეცკში მეორე გუნდიდან რამდენიმე ფეხბურთელი იახლა: ფონტასი, ალკანტარა და დოს სანტოსი.
მოკლედ, „ბარსას“ თავკაცს სანერვიულო არაფერი აქვს და გამორიცხული არაა, რომ ძირითადი შემადგენლობა გვარიანად გადაახალისოს - ესპანეთის ჩემპიონატის მომდევნო ტურში „ბარსას“ ხომ წელს პირველი „ელ კლასიკო“ ელის და ძალების დაზოგვა ნამდვილად არ აწყენდა.
დონეცკი. დონბას-არენა. 22:45
შახტარი- ბარსელონა
პირველი მატჩი: 1:5
სავარაუდო შემადგენლობები
შახტარი (4-2-3-1): პიატოვი - კობინი, რაკიცკი, იშჩენკო, შევჩუკი - მხითარიანი, ჰიუბშმანი - დუგლას კოშტა, ჟადსონი, ვილიანი - ლუის ადრიანო.
ბარსელონა (4-3-3): ვიქტორ ვალდესი - დანი ალვეში, პიკე, ბუსკეტსი, ადრიანო - ჩავი, მასკერანო, კეიტა - ვილია, მესი, აფელაი.
არბიტრი: ფლორიან მაიერი (გერმანია).
.
