უეფას ბოლო ხუთი წლის რეიტინგში გერმანიამ იტალიას გადაასწრო და ინგლისთან და ესპანეთთან ერთად საუკეთესო სამეულს ქმნის - იტალიის ჩემპიონატი კი მეოთხე ადგილზე ჩამოქვეითდა. ეს იმას ნიშნავს, რომ მომავალი სეზონიდან, ჩემპიონთა ლიგაში იტალიიდან არა ოთხი, არამედ უკვე სამი გუნდი გავა (როგორც აქამდე გერმანიაში იყო), ხოლო ბუნდესლიგიდან კი, ჩემპიონთა ლიგის საგზურს უკვე 4 გუნდი მოიპოვებს.ახლა რაც შეეხება სათაურს: რა შუაშია აქ „ფიცი გვწამს, ბოლო გვაკვირვებს“? საქმე იმაშია, რომ თუ 2001 წლის შემდეგ ნაჩვენებ შედეგებს შევაჯამებთ, დავინახავთ, რომ გერმანულ კლუბებს არც ჩემპიონთა
ჩემპიონთა ლიგის ნახევარფინალიდან „შალკეს“ გავარდნამ გერმანული კლუბების უტიტულობა კიდევ უფრო გაახანგრძლივა - ბუნდესლიგის წარმომადგენელმა ევროტურნირი ბოლოს 2001 წლის 23 მაისს მოიგო, როცა მიუნხენის „ბაიერნმა“ მილანში, ჩემპიონთა ლიგის ფინალში „ვალენსია“ პენალტების სერიაში დაამარცხა. 10 წელი ევროტიტულის გარეშე - ეს ბუნდესლიგისთვის ყველაზე ნეგატიური სერიაა, რომელსაც ევროპის წამყვან საფეხბურთო ქვეყნებში ანალოგი არ აქვს.
ამ ხნის განმავლობაში იყო შემთხვევები, როცა გერმანულ კლუბებს არ გაუმართლათ: მაგალითად, ჩემპიონთა ლიგის ცხრა წლის წინანდელი ფინალი, რომელშიც „ლევერკუზენმა“ „რეალთან“ 1:2 წააგო; უეფას თასის ფინალი 2002 წელს, რომელშიც დორტმუნდის „ბორუსია“ როტერდამის „ფეიენოორდთან“ 2:3 დამარცხდა და ევროპის ლიგის ფინალი 2009 წელს, რომელიც „ვერდერმა“ დონეცკის „შახტართან“ დამატებით დროში 1:2 წააგო. საინტერესოა კიდევ ერთი სტატისტიკური მონაცემიც, რომელიც ცხრილში აღარ შევიყვანეთ: ამ ათი წლის განმავლოვაში ორივე ევროტურნირის მეოთხედფინალში მხოლოდ 9 გერმანული კლუბი ვიხილეთ, 2004/2005 წლების სეზონში კი, უეფას
თასის მეოთხედფინალში არცერთი გერმანული კლუბი არ ყოფილა.
გერმანიის ნაკრების მთავარ მწვრთნელ იოახიმ ლიოვს მიაჩნია, რომ ყველაზე მთავარი ინდიკატორი მაინც ტიტულების რაოდენობაა და ამ მხრივ ბუნდესლიგას სერიოზული პრობლემა აქვს. თუმცა იოგი ასი პროცენტით იზიარებს იმ მოსაზრებას, რომ გერმანიის ჩემპიონატმა როგორც ფინანსური, ისე სპორტული თვალსაზრისით უდიდესი პროგრესი განიცადა. უბრალოდ, ლიოვის აზრით დღესდღეობით ესპანეთი და ინგლისი ამ მხრივ გერმანიაზე მთელი თავით მაღლა დგანან.
სამაგიეროდ, ბუნდესლიგა საერთო სეზონური ბრუნვით მეორე ადგილზეა: წინა სეზონში ბუნდესლიგის ბრუნვამ 1.8 მილიარდი ევრო შეადგინა, რითაც გერმანიამ აჯობა როგორც ესპანეთის პრიმერადივიზიონს (1.6 მილიარდი), ისე იტალიის სერია A-ს (1.5 მილიარდი). ამ მხრივ პირველ ადგილზე (თანაც, უდიდესი უპირატესობით) ინგლისის პრემიერლიგაა - 2.4 მილიარდი ევრო.
დასწრებით კი ბუნდესლიგა სულაც პირველ ადგილზეა: აქტუალური შედეგით, გერმანიის ჩემპიონატის ერთ მატჩს საშუალოდ 42 214 მაყურებელი ესწრება, პრემიერლიგის ერთ მატჩს 35 099, ესპანეთის პრიმერადივიზიონის ერთ მატჩს 28 770, ხოლო იტალიის სერია A-ს ერთ შეხვედრას კი, საშუალოდ, 24 829 ქომაგი ესწრება.
გერმანია: 10 წელი ტიტულის გარეშე
ევროტურნირების გამარჯვებულების, ფინალისტებისა და ნახევარფინალისტების რაოდენობა ქვეყნების მიხედვით, 2001 წლის შემდეგ ამ სეზონამდე
ჩემპ. ლიგა უეფა/ევრ. ლიგა სულ
ტ ფ ნფ ტ ფ ნფ ტ ფ ნფ
ესპანეთი 3 3 11 4 5 8 7 8 19
იტალია 3 5 7 0 0 5 3 5 12
ინგლისი 2 6 15 0 2 4 2 8 19
პორტუგალია 1 1 1 1 2 6 2 3 7
გერმანია 0 2 3 0 2 7 0 4 10
ტ - ტიტული; ფ - ფინალი; ნფ - ნახევარფინალი
შენიშვნა: ამ სეზონის შედეგები არ არის შეტანილი
