7:1-ის შემდეგ რუდი ფიოლერმა თქვა: "ახლა უკვე მესი იმ ლიგაში თამაშობს, სადაც მხოლოდ პელე და მარადონაა". მართლაც, პატარა არგენტინელმა ჯადოქარმა ხუთი გოლის გატანით კიდევ ერთხელ აღაფრთოვანა საფეხბურთო ევროპა. მოდი, მესის ბრწყინვალე კარიერას, რომელიც ჯერ მხოლოდ იწყება, კიდევ ერთხელ გადავავლოთ თვალი - ციფრები მრავლისმეტყველია.
ლეგენდა მესიზე, რომელიც ჯერ რაღაც 24 წლისაა, გრძელდება - "ლევერკუზენის" კარში გატანილმა ხუთმა გოლმა ჩემპიონთა ლიგის ისტორია გადაწერა.
3 - ახლა მესის ანგარიშზე სამი ჰეთ თრიკია ჩემპიონთა ლიგაზე. ის ამ მაჩვენებლით ფილიპო ინძაგის გაუთანაბრდა. ჩემპიონთა ლიგაზე აქამდე
3 - წლის დასაწყისში არგენტინელმა ზედიზედ მესამედ მოიგო "ოქროს ბურთის" პრიზი. ამ მაჩვენებლით მესი მიშელ პლატინის, იოჰან კრუიფს და მარკო ვან ბასტენს გაუთანაბრდა.
4 - მეოთხე სეზონია ლეო მესი ლიდერობს ჩემპიონთა ლიგის ბომბარდირთა დავაში. პირველი სამი არგენტინელმა უკვე მოიგო და ახლაც, 12 გოლით უპირობო ფავორიტია. ერთადერთი, ვინც 4-ჯერ მოახერხა ამ ტურნირის ბომბარდირობა, "ბაიერნის" ლეგენდა გერდ მიულერია. თუმცა გერმანელი ორჯერ თანაბომბარდირი იყო, მესის კი ბომბარდირობა არავისთან გაუზიარებია.
5 - არგენტინელი ჩემპიონთა ლიგის ისტორიაში პირველი ფეხბურთელია, რომელმაც მატჩში 5 გოლი გაიტანა. ამ ტურნირის წინამორბედში - ევროპის თასზე "აიაქსის" სორენ ლერბიმ (1979 წ.) გაიტანა თამაშში ხუთი გოლი. "ბარსელონას" ბოლო ფეხბურთელი, რომელმაც თამაშში ხუთი გოლი გაიტანა (ნებისმიერ ოფიციალურ მატჩში), იყო ზალდუა (1965 წ).
6 - როსარიოელმა ამ სეზონში "ბარსას" მაისურით 6 სხვადასხვა ტურნირში მოახერხა გატანა: ლა ლიგაში, კოპაზე, სუპერკოპაზე, ევროპის სუპერთასზე, ჩემპიონთა ლიგაზე და მსოფლიოს საკლუბო ჩემპიონატში. თუმცა ის ერთადერთი არ არის "ბარსელონაში". პედრომაც მოახერხა 6 სხვადასხვა ტურნირში გატანა.
10 - Goal.com-მა არგენტინელს "ლევერკუზენთან" მატჩში იშვიათი შეფასება - 10-იანი დაუწერა 10-ბალიანი შეფასებით.
12 - ამ სეზონში მესის ანგარიშზე ჩემპიონთა ლიგაზე 12 გოლია და ის კიდევ აგრძელებს თამაშს ტურნირზე. ამით მესიმ უკვე მიაღწია თავისსავე შარშანდელ შედეგს და გაიმეორა რუუდ ვან ნისტელროის მიღწევა 2002/03 წლების ჩემპიონთა ლიგაზე.
18 - რაც კატალონიურ გუნდში დაიწყო თამაში, მესიმ 18 საკლუბო ტიტული მოიგო.
22 - მას შემდეგ, რაც შვეიცარიის ნაკრების კარში მან ჰეთ თრიკი შეასრულა, ეროვნულ გუნდში მესის 22 გოლი დაუგროვდა.
24 - ჩემპიონთა ლიგის პლეი ოფების სტადიაში მესის ანგარიშზე უკვე 24 გოლია, რაც ყველა დროის რეკორდია.
49 - სულ არგენტინელმა ჩემპიონთა ლიგაზე 49 გოლი გაიტანა. ის უკვე გასცდა ალექს დელ პიეროს (44), ფილიპო ინძაგის (46), ეუსებიოს (47) და ანდრეი შევჩენკოს (48) და ეს ყველაფერი ერთ მატჩში მოახერხა! ის დაეწია "რეალის" ლეგენდას ალფრედო დი სტეფანოს (49) და ახლა მასთან ერთად მე-4 ადგილს იყოფს. წინ კი რაული (71), ვან ნისტელროი (54) და ტიერი ანრი (51) არიან.
53 - ახლა მესის ანგარიშზე სეზონში "ბარსელონას" მაისურით და ეროვნულ ნაკრებში ჯამში 53 გოლია.
93 - მესის ანგარიშზე 93 საგოლე პასია "ბარსელონაში" თამაშისას. აქედან 20 ამ სეზონში (ყველა ტურნირში).
188 - მას მერე, რაც "ბარსელონას" მწვრთნელი პეპ გვარდიოლაა, მესიმ 201 ოფიციალურ მატჩში 188 გოლი გაიტანა.
228 - გოლი "ბარსელონაში", 7-იც და კლუბის რეკორდს მოხსნის, რომელიც სესარ როდრიგესს ეკუთვნის.
ყოველდღიური სპორტული გაზეთი "ლელო"
