"მილანის" თავდამსხმელი ზლატან იბრაჰიმოვიჩი ჩემპიონთა ლიგაში "ბარსელონასთან" დაპირისპირებას არ უფრთხის."თუ ისე ვითამაშებთ, როგორც შეგვიძლია, შესანიშნავი შანსი გვექნება. არაფრის უნდა გვეშინოდეს.
მიმდინარე სეზონში "ბარსელონას" წინააღმდეგ უკვე ვითამაშეთ, ამიტომ კარგად ვიცით, რას უნდა ველოდოთ მომავალ მატჩში. ეს თავისთავად რთული დაპირისპირება იქნება", - თქვა იბრაჰიმოვიჩმა.
"მილანსა" და "ბარსელონას" შორის პირველი მატჩი 28 მარტს იტალიაში გაიმართება, საპასუხო თამაში კი 4 აპრილს, ესპანეთში.
