ლონდონის "არსენალის" მთავარმა მწვრთნელმა არსენ ვენგერმა ჩემპიონთა ლიგაში მთავარ ფავორიტად კატალონიის "ბარსელონა" დაასახელა."ჩემი აზრით, "ბარსელონას" მიერ ლიგის მოგების შანსი უფრო დიდია, ვიდრე სხვა გუნდების.
პირველ რიგში, მათ არაერთხელ გაუმარჯვიათ ამ ტურნირში; მეორეც - კატალონიელები ბრწყინვალე ფორმაში არიან.
თანაც, "ბარსელონა" "კამპ ნოუზე" დაუმარცხებელია. ხოსეპ გვარდიოლას გუნდის წინააღმდეგ სტუმრად თამაში და გოლის არგაშვება, პრაქტიკულად, წარმოუდგენელი ამოცანაა.
დიახ, "რეალს" ჰყავს კრიშტიანო რონალდო, მაგრამ "ბარსას" ჰყავს ლიონელ მესი, რომელსაც ცუდ ფორმაშიც კი შეუძლია მატჩში ორი გოლის გატანა", - თქვა ვენგერმა.
მომზადებულია Eurosport-ის მიხედვით
