"მილანის" თავდამსხმელმა ზლატან იბრაჰიმოვიჩმა "ბარსელონასთან" მოახლოებულ დაპირისპირებაზე ისაუბრა, რომელიც ჩემპიონთა ლიგის მეოთხედფინალური რაუნდის ფარგლებში გაიმართება.პირველი შეხვედრა 28 მარტს "სან სიროზე" გაიმართება.
"ეჭვგარეშეა, რომ ძალიან რთული თამაში იქნება. "ბარსელონა" მსოფლიოს საუკეთესო გუნდია. კატალონიელები ფავორიტები არიან, მაგრამ "მილანს" დასაკარგი არაფერი აქვს.
იმედი მაქვს, ჩვენი გუნდი ოპტიმალურ ფორმაში იქნება იმისთვის, რათა გაიმარჯვოს.
თამამად უნდა ვითამაშოთ და გვჯეროდეს, რომ საჭირო შედეგის მიღწევა შეგვიძლია", - განაცხადა შვედმა ფორვარდმა.
