"ბარსელონას" სპორტულმა დირექტორმა ანდონი სუბისარეტამ განაცხადა, რომ მისი გუნდი "მილანთან" ჩემპიონთა ლიგის მეოთხედფინალურ შეხვედრაში ფავორიტი არ არის."ბლაუგრანას" და "როსონერის" პირველი შეხვედრა 28 მარტს "სან სიროზე" გაიმართება.
"იმას, თუ ვინ არის ფავორიტი, მნიშვნელობა მხოლოდ ბუქმეკერული კანტორებისთვის აქვს. ჩვენ კი ჩვენს ამოცანებზე ვართ კონცენტრირებულნი", - განაცხადა ესპანეთის ნაკრების ყოფილმა გოლკიპერმა.
რაც შეეხება "მილანის" შემადგენლობას, სუბისარეტამ თქვა:
"მილანი" მხოლოდ ზლატან იბრაჰიმოვიჩი არ არის. ის ძალიან ძლიერი ფეხბურთელია, ასეთ დაპირისპირებებში კი დამატებითი მოტივაცია ჩნდება. თუმცა ამ გუნდში სხვა ძლიერი მოთამაშეებიც არიან".
