"ბარსელონას" მთავარმა მწვრთნელმა პეპ გვარდიოლამ განაცხადა, რომ მისმა გუნდმა შესაძლოა "მილანთან" ჩემპიონთა ლიგის მეოთხედფინალური დაპირისპირება წააგოს.ორი გრანდის მონაწილეობით პირველი მატჩი 28 მარტს "სან სიროზე" გაიმართება.
"როდესაც წილისყრა მეტოქედ ასეთ გუნდს გარგუნებს, ან კარგად უნდა ითამაშო, ან შემდეგ ეტაპზე გასვლის შანსი არ გექნება. "მილანის" წინააღმდეგ თამაშისას აცნობიერებ, რომ შესაძლოა დამარცხდე. მაგრამ ჩვენ საკუთარი თამაში უნდა ვითამაშოთ.
ალბათ საუკეთესო "მილანს" ვიხილავთ, წარმატებისთვის შემართულს, აგრესიულად მოთამაშეს, რომელიც მოედნის ჩვენს ნახევარზე პრესინგს დაგვიპირისპირებს.
ეს გუნდი კომბინაციურ ფეხბურთს თამაშობს და "მეორე სართულზეც" წარმატებით მოქმედებს.
