"ბარსელონას" მცველი ჟერარდ პიკე "მილანთან" ჩემპიონთა ლიგის პირველი მეოთხედფინალური მატჩის წინ "როსონერის" თავდამსხმელ ზლატან იბრაჰიმოვიჩს უფრთხის."იბრაჰიმოვიჩის გაუვნებელყოფა ძალიან რთულია. ის ძალიან მრავალმხრივია: "მეორე სართულზე" კარგად თამაშობს, ბურთს აკონტროლებს და კორპუსით ფარავს.
უნდა ვეცადოთ, რომ მას ბურთის მიღების საშუალება არ მივცეთ, ხოლო თუ მაინც მიიღო, დაფიქრება არ უნდა ვაცალოთ.
იბრა ახლა ძალიან კარგ ფორმაშია და ნაირნაირ გოლს იტანს. ასეთი მოთამაშეები მოედანზე ყოველთვის ლიდერები არიან, თავიანთი პიროვნული თვისებებისა და ოსტატობის წყალობით", - თქვა პიკემ.
