"მილანის" მცველი იგნაციო აბატე "ბარსელონასთან" ჩემპიონთა ლიგის პირველ მეოთხედფინალურ მატჩში მონაწილეობას ვერ მიიღებს. 25 წლის იტალიელმა ორი კვირის წინ ვარჯიშზე მიღებული ტრავმის მოშუშება ვერ მოასწრო.
ვარაუდობდნენ, რომ ფეხბურთელი კატალონიელებთან თამაშისთვის მომჯობინდებოდა, მაგრამ ის კვლავ გუნდის ლაზარეთში იმყოფება.
მის ნაცვლად "მილანის" მთავარი მწვრთნელი მასიმილიანო ალეგრი მოედანზე ჯანლუკა ძამბროტას ან დანიელე ბონერას გამოიყვანს.
მომზადებულია Goal.com-ის მიხედვით
