"მილანის" თავდამსხმელი ზლატან იბრაჰიმოვიჩი "ბარსელონასთან" საპასუხო მატჩის წინ იმედიანადაა განწყობილი, მიუხედავად იმისა, რომ პირველ შეხვედრაში "როსონერიმ" "ბლაუგრანას" კარის აღება ვერ მოახერხა და მატჩი ფრედ 0:0 დასრულდა."ნულოვანი ფრე საპასუხო თამაშის წინ ცუდი შედეგი არაა. გასვლაზე გატანილი ერთი გოლი უკვე უპირატესობას გვაძლევს.
პირველი მატჩის უარყოფითი მხარე ისაა, რომ საგოლე მომენტები ვერ გამოვიყენეთ. მე თვითონ საპასუხო თამაშის წინ ძალიან ოპტიმისტურად ვარ განწყობილი და მჯერა, რომ "მილანს" ნახევარფინალში გასვლა შეუძლია", - განაცხადა იბრაჰიმოვიჩმა.
