კატალონიის "ბარსელონას" ნახევარმცველის ანდრეს ინიესტას თქმით, "მილანთან" ჩემპიონთა ლიგის მეოთხედფინალის საპასუხო მატჩში სულ სხვა თამაში იქნება, ვიდრე პირველ შეხვედრაში იყო, რომელიც მილანში ფრედ 0:0 დასრულდა."ვალდებულნი ვართ გავიმარჯვოთ. "კამპ ნოუზე" გულშემატკივრები მხარს დაგვიჭერენ, ნახევარფინალში უნდა გავიდეთ", - თქვა ინიესტამ.
გარდა ამისა, ესპანელი ფეხბურთელი "ატლეტიკთან" "ბარსელონას" გამარჯვებასაც (2:0) შეეხო.
"ჩვენ მხოლოდ გამარჯვება გვჭირდებოდა, რადგან სამი ქულა უნდა აგვეღო. თუ ყველა მატჩში ქულათა მაქსიმუმს ავიღებთ, მაშინ მიმდინარე სეზონში ჩემპიონობის შანსი გვექნება", - განაცხადა ესპანელმა ნახევარმცველმა.
მომზადებულია Goal.com-ის მიხედვით
