"ბარსელონას" მთავარ მწვრთნელ ხოსეპ გვარდიოლას დიდი იმედი აქვს, რომ გუნდის თავდამსხმელი ლიონელ მესი "მილანის" წინააღმდეგ წარმატებულად ითამაშებს. მესის წარმატებული თამაში კი "ბლაუგრანას" თავკაცისთვის "როსონერის" კარში გატანილ გოლს ან გოლებს ნიშნავს.
"იტალიელები ყოველთვის ძლიერები არიან. ვნახოთ, მოახერხებს თუ არა მესი წარმატებულ თამაშს.
დიდი იმედი მაქვს, რომ ლეო გაიტანს. მას მხარდაჭერა დასჭირდება, რათა თავისუფალი ზონები იპოვოს. ამბობენ, რომ მესის იტალიური გუნდებისთვის ჯერ კიდევ არ გაუტანია და ვნახოთ, როგორ განვითარდება მოვლენები", - განაცხადა გვარდიოლამ.
