"ბარსელონას" ნახევარმცველმა ანდრეს ინიესტამ "მილანთან" (3:1) ჩემპიონთა ლიგის საპასუხო მეოთხედფინალურ შეხვედრაში გამარჯვებაზე ისაუბრა."ბევრს ვმუშაობდით და ამისთვის დავჯილდოვდით კიდეც - ზედიზედ მეხუთედ ჩემპიონთა ლიგის ნახევარფინალში ვითამაშებთ.
ბრწყინვალე მიღწევაა, რომელიც ამტკიცებს, რომ "ბარსელონას" ამბიციები არ გამქრალა.
"მილანთან" მატჩი იოლი არ ყოფილა. მშვენივრად გვესმოდა, რომ კიდევ ერთი გოლის გაშვების შემთხვევაში… მაგრამ მატჩი 90 წუთს გრძელდება. ამიტომ, უბრალოდ, ჩვენი შანსი უნდა გამოგვეყენებინა", - თქვა ინიესტამ.
