"მილანის" გამოცდილმა ნახევარმცველმა კლარენს ზეედორფმა "ბარსელონასთან" (1:3) ჩემპიონთა ლიგის მეოთხედფინალის საპასუხო მატჩზე ისაუბრა."არბიტრს ვთხოვე აეხსნა, რატომ დანიშნა მეორე პენალტი. ამის პასუხად ყვითელი ბარათი მივიღე. შეხვედრის შემდეგ ისევ ამ კითხვით მივმართე. მან მიპასუხა, რომ ფეხბურთელები ერთმანეთს იჭერდნენო. ამან ძალიან გამაბრაზა.
მერჩივნა, ანგარიშით 1:7 წაგვეგო, თუმცა პენალტი ჩვენი მარცხის მიზეზი არაა. ფსიქოლოგიურად გავტყდით", - თქვა ზეედორფმა.
მომზადებულია Sky Italia-ს მიხედვით
