ლონდონის "ჩელსის" მთავარმა მწვრთნელმა რობერტო დი მატეომ "ბარსელონასთან" გამარჯვება შეაფასა."ჩემი ფეხბურთელები ერთ მთლიანობას წარმოადგენენ და ნამდვილი გუნდური თამაშიც აჩვენეს.
ვიცოდით, რომ შეტევაში შანსი გაგვიჩნდებოდა და დიდიე დროგბაც საჭირო მომენტში საჭირო ადგილას აღმოჩნდა.
ეს შესანიშნავი შედეგია. გასაგებია, რომ ასეთი გუნდის წინააღმდეგ მუდმივად დაცვაში თამაში გიწევს.
ვიცოდით, რომ ბურთით უფრო მეტხანს "ბარსელონა" იქნებოდა. ამიტომ მისი მხრიდან საფრთხე მინიმუმამდე უნდა შეგვემცირებინა და ამავე დროს, საკუთარი საგოლე მომენტების შექმნაზე გვეზრუნა", - განაცხადა დი მატეომ.
