ლონდონის "ჩელსის" გოლკიპერმა პეტერ ჩეხმა განაცხადა, რომ "კამპ ნოუს" სტადიონის მინდვრის ზომები "ბარსელონასთან" ჩემპიონთა ლიგის ნახევარფინალის საპასუხო მატჩში გადამწყვეტ როლს არ ითამაშებს."ყველამ ვიცით, რომ საფეხბურთო მოედანი ჩემპიონთა ლიგის სტანდარტებს უნდა შეესაბამებოდეს. "ნოუ კამპის" მოედანი კი უფრო დიდი გვეჩვენება. მართალია, თვითონ სტადიონიც დიდია, მაგრამ სინამდვილეში ამის მიზეზი სხვაა. "ბარსელონა" ბურთს მუდმივად ფლობს და ამის გამო სათამაშო მოედანი უფრო დიდი გვეჩვენება", - განაცხადა ჩეხმა გოლკიპერმა.
მომზადებულია uefa.com-ის მიხედვით
