ჩემპიონთა ლიგის ორივე ნახევარფინალი ძალიან დრამატული გამოდგა. 25 აპრილს "რეალი"-"ბაიერნი" იყო და, რა თქმა უნდა, მთელი საფეხბურთო მილეთი ახლა ამ თამაშზე ლაპარაკობს.ისეთი შეხლა იყო, საკამათო და სამასლაათო ბევრი გააჩინა. ასეთ თამაშს ყველა უყურებს - ზოგი ქომაგობს, ზოგი რაღაცას სწავლობს, ზოგი კი, უბრალოდ, სიამოვნებას იღებს.
სპეციალისტები კი, ალბათ, განსაკუთრებულად, სულ სხვანაირად ჭვრეტენ ასეთი რანგის თამაშებს...
რამაზ მუმლაძე, თბილისის "დინამოს" მთავარი მწვრთნელი:
"ჰაინკესმა გარისკა და მაინც ათამაშა შვაინშტაიგერი, რომელიც ჯერ ვერ არის კარგ კონდიციაში. თუ დააკვირდით, შვაინშტაიგერს არცთუ ცოტა ტექნიკური წუნი
ბურთზე კონტროლი კი ძალიან მნიშვნელოვანია თანამედროვე ფეხბურთში.
ჰაინკესის რისკი მაინც გამართლებული იყო -ასეთი რანგის მატჩებს სწორედ ვარსკვლავები, ლიდერები იგებენ - იმ თვისებების მქონე ფეხბურთელები, რა თვისებებიც შვაინშტაიგერს აქვს.
"ბაიერნმა" გუნდური თამაშით აჯობა მოწინააღმდეგეს. გერმანელებმა ტაქტიკურად უფრო სწორად ითამაშეს, ვიდრე ესპანელებმა.
გომესმა რამდენიმე საგოლე შანსი გაფლანგა, მაგრამ მერწმუნეთ, ამ ერთი თამაშით არ უნდა შევაფასოთ ეს თავდამსხმელი. ასეთი რანგის მატჩებში დაძაბულობა ძალიან დიდია და ეს ხანდახან მაღალი დონის ფეხბურთელებზეც მოქმედებს.
გამიკვირდა, რომ პირველი ტაიმის შემდეგ "რეალი" ჩაიკარგა. "ბაიერნი" თუ ასეთ უპირატესობას დაეუფლებოდა, ნამდვილად არ მეგონა.
ძნელი სათქმელია, ვინ იყო მატჩის საუკეთესო ფეხბურთელი. რონალდო მხოლოდ პირველ 25 წუთში გახლდათ საუკეთესო. შეხვედრის ყველაზე გამორჩეული მოთამაშე, ალბათ, რობენი იყო, "ბაიერნის" სული და გული.
ცალკე უნდა აღინიშნოს ფილიპ ლამის თამაში. ის მარჯვენა მცველია და დახეთ, რაოდენ ფასეული ფეხბურთელია გუნდისთვის. სისწრაფე, ტექნიკა და მოწინააღმდეგის სვლების წაკითხვის უნარი - მას ყველა თვისება აქვს.
ამ დროისთვის ის მსოფლიოს საუკეთესო განაპირა მცველად მიმაჩნია".
სხვა კომენტარები
კახა კაჭარავა: ამ სეზონშიც საუკეთესო მაინც ლიონელ მესია!
არჩილ არველაძე: მადრიდის "რეალსაც" იგივე პრობლემა აქვს, რაც "ბარსელონას"
ყოველდღიური სპორტული გაზეთი "ლელო"
