მიუნხენის "ბაიერნის" ნახევარმცველმა ფრენკ რიბერიმ ლონდონის "ჩელსისთან" ჩემპიონთა ლიგის მომავალი ფინალის დიდ მნიშვნელობაზე ისაუბრა. ამასთან ერთად, გუნდში გამეფებული შესანიშნავი ატმოსფეროსთვის მიუნხენელთა თავკაცი იუპ ჰაინკესი შეაქო."რა თქმა უნდა, არსებობს მსოფლიოს და ევროპის ჩემპიონატი, მაგრამ "ჩელსისთან" მომავალი თამაში ჩემს კარიერაში უმნიშვნელოვანესი მატჩია. ეს მატჩი უკეთესი იქნება, ვიდრე 2010 წლის ( მაშინ "ბაიერნი" ფინალში "ინტერთან" 0:2 დამარცხდა) შეხვედრა. ახლა გაცილებით მშვიდად ვემზადებით, ჩვენზე ზეწოლაც ნაკლებია.
ჰაინკესმა გუნდში კარგი ატმოსფერო შექმნა და მას ყველა ფეხბურთელი ენდობა", - განაცხადა რიბერიმ.
