მადრიდის "რეალის" მთავარმა მწვრთნელმა ჟოზე მოურინიომ ჩემპიონთა ლიგის გათამაშებაზე ისაუბრა."დარწმუნებული ვარ, რომ "რეალს" კარგი შანსი აქვს, ჩემპიონთა ლიგა მოიგოს.
ამჟამად ჩვენ ვსაუბრობთ იმ ჯგუფზე, რომელშიც ოთხი ჩემპიონია. ოთხივე გუნდი ძლიერი ჩემპიონატის გამარჯვებულია. განსაკუთრებით, ეს ეხება "მანჩესტერ სიტისა" და "დორტმუნდს". ასევე, "აიაქსსაც" მდიდარი ისტორია აქვს.
ჩვენი მიზანი არა ყველა მატჩის მოგება, არამედ ჯგუფიდან გასვლაა. "რეალი" ყველაფერს გააკეთებს, რომ საკუთარ ისტორიაში ჩემპიონთა ლიგა მეათეჯერ მოიგოს", - თქვა მოურინიომ.
შეგახსენებთ, რომ მადრიდის "რეალი" 18 სექტემბერს "მანჩესტერ სიტის" უმასპინძლებს.
მომზადებულია Football Espana-ს მიხედვით
