"მილანის" მთავარმა მწვრთნელმა მასიმილიანო ალეგრიმ აღიარა, რომ კლუბის პრობლემებზე მუდმივი საუბარი არ შეიძლება, გუნდის თამაშზე არ აისახოს.მწვრთნელმა "ანდერლეხტთან" (0:0) ჩემპიონთა ლიგის ჯგუფური ეტაპის მატჩის შესახებაც გააკეთა კომენტარი.
”მე ვიტყოდი, რომ პირველ ტაიმში ბევრი ტექნიკური შეცდომა დავუშვით. ახლა რთული დრო გვიდგას და გამარჯვების მოპოვების აუცილებლობას განვიცდით.
შესვენების შემდეგ გუნდმა საკუთარი თავი იპოვა და რამდენიმე კარგი საგოლე მომენტი შექმნა.
მუშაობა და თამაშის თითოეული ასპექტის დახვეწა უნდა გავაგრძელოთ. ვფიქრობ, რომ "მილანის" ირგვლივ შექმნილი დაძაბულობა და ხმაური ვერ დაგვეხმარება", - განაცხადა მასიმილიანო ალეგრიმ.
