ლონდონის "ჩელსის" მთავარი მწვრთნელი რობერტო დი მატეო მიიჩნევს, რომ ტურინის "იუვენტუსთან" (2:2) ჩემპიონთა ლიგის ჯგუფური ეტაპის პირველი ტურის მატჩის შედეგი სამართლიანია."ძალიან კარგი თამაში იყო. მატჩის ბოლოს მოგების შანსი როგორც ერთ, ისევე მეორე გუნდს ჰქონდა. მესამე გოლის გატანის შანსი გვქონდა და მატჩის ბედიც გადაწყდებოდა, მაგრამ მეტოქემ ანგარიშის გათანაბრება მოახერხა.
ვფიქრობ, ფრე სამართლიანი შედეგია. რა თქმა უნდა, იმედგაცრუებულები ვართ. მატჩის მოგების კარგი შანსი გვქონდა, საბოლოოდ კი მხოლოდ ქულა მოვიპოვეთ. თუმცა ვიცოდით, რომ მაღალი კლასის გუნდი დაგვიპირისპირდებოდა, რომლის შემადგენლობაშიც ბევრი კარგი ფეხბურთელია.
ოსკარი ამ შეხვედრაში ჩვენი გუნდის წამყვანი ფეხბურთელი იყო. ის ძალიან ნიჭიერი ახალგაზრდა ფეხბურთელია, რომელიც უკვე ბრაზილიის ნაკრებში თამაშობს, სადაც მოხვედრა იოლი სულაც არ არის. ძალიან გვიხარია, რომ ის ჩვენს გუნდში თამაშობს", - განაცხადა დი მატეომ.
ასევე იხილეთ
ჩელსი-იუვენტუსი 2:2 - "სინიორა" დაბრუნდა და ეს მხოლოდ დასაწყისია!
