"მანჩესტერ იუნაიტედის" თავდამსხმელმა უეინ რუნიმ განაცხადა, რომ მისი გუნდისთვის რუმინეთის კლუბ "კლუჟთან" ჩემპიონთა ლიგის ჯგუფური ეტაპის მეორე ტურის მატჩი ძალიან მნიშვნელოვანია."ჩემპიონთა ლიგა პრემიერლიგას საერთოდ არ ჰგავს. თუ ჩემპიონთა ლიგის მატჩებში თქვენს მაქსიმუმს არ გამოავლენთ, ამის გამო დაისჯებით, როგორც ჩვენ დავისაჯეთ ერთი წლის წინ.
ის, რაც "მანჩესტერ იუნაიტედს" ჩემპიონთა ლიგის გასულ სეზონში შეემთხვა, არ უნდა განმეორდეს. ამიტომ "კლუჟთან" მატჩი ჩვენთვის უაღრესად მნიშვნელოვანია. იმედია, გავიმარჯვებთ, რაც ჯგუფში კარგ პოზიციას მოგვანიჭებს", - თქვა რუნიმ.
