"მანჩესტერ იუნაიტედის" თავდამსხმელმა უეინ რუნიმ "დორტმუნდთან" "სიტის" მეკარის, ჯო ჰარტის თამაში შეაფასა.შეგახსენებთ, რომ 4 ოქტომბერს ჩემპიონთა ლიგის ჯგუფური ეტაპის მეორე ტურის მატჩები გაიმართა, სადაც "მანჩესტერ სიტიმ" გერმანიის ჩემპიონ "დორტმუნდს" უმასპინძლა.
გუნდებს შორის შეხვედრა ფრედ, ანგარიშით 1:1 დასრულდა (იხილეთ ვიდეო).
"ჰარტმა შესანიშნავი მატჩი ჩაატარა და "მანჩესტერ სიტი" წაგებას გადაარჩინა. ჩემი აზრით, ამჟამად ის მსოფლიოში საუკეთესო მეკარეა", - დაწერა საკუთარ "ტვიტერში" რუნიმ.
აქვე გეტყვით, რომ 3 ოქტომბერს "მანჩესტერ იუნაიტედმა" სტუმრად "კლუჟი" ანგარიშით 2:1 დაამარცხა (იხილეთ ვიდეო).
