პსჟ-ის მთავარმა მწვრთნელმა კარლო ანჩელოტიმ ზაგრების "დინამოსთან" (4:0) ჩემპიონთა ლიგის ჯგუფური ეტაპის მე-4 ტურის მატჩზე საუბრისას გუნდის თავდამსხმელის, ზლატან იბრაჰიმოვიჩის თამაში აღნიშნა.შეგახსენებთ, რომ შვედმა ფორვარდმა 4 საგოლე გადაცემა გააკეთა.
"ძალიან კარგი მატჩი ჩავატარეთ და ეს მხოლოდ ამტკიცებს იმას, რომ "სენტ-ეტიენთან" მარცხი უბრალო შემთხვევითობა იყო.
იბრაჰიმოვიჩი ბრწყინვალე ფეხბურთელია. მას თანაგუნდელები არ ავიწყდება, გოლები გააქვს და სხვასაც ატანინებს. მიხარია, რომ ზლატანი ასი პროცენტით გუნდის ინტერესებში მოქმედებს.
რაც შეეხება ლავეცის, ის ძალიან სწრაფია და ეს კონტრშეტევებზე თამაშის დროს გვეხმარება", - თქვა ანჩელოტიმ.
ასევე იხილეთ:
ჩემპიონთა ლიგა. ჯგუფური ეტაპი. IV ტური [VIDEO]
